Regions e Pòbles Solidaris que s'estona deu tèxte publicat suu siti Internet deu Partit Socialista lo 7 d'abriu passat, dens lo quau mantuns sòcis deu partit - au miei deus quaus responsables insulars atau coma parlamentaris - s'opausarén au projècte d'autonomia de Corsega, presentat sustot coma ua « institucionalizacion deu comunitarisme ».
Lo partit qui a balhat leis de descentralizacion a França despuish 1982, qu'utiliza cap a Corsega en 2025, lo péger vocabulari jacobin.
Atau, segon aqueth tèxte « Au contrari de daubuas islas deu Pacific e de las Antilhas qui conesihón l'estatut de colonisat e / o d'indigenat, nat criteri istoric non justifica pas d'acordar un estatut tant diferent. Aquò poirà sonque lhevar demandas similaras venentas de las autas regions ».
Quina regression dens l'argumentari ! Tota reflexion engatjada sus la necessària descentralizacion, la presa en compte de las realitats deus territòris dens las presas de decision las pertocant, tota vision progressista de las relacions entre las collectivitats territoriaus e l'Estat que serén atau rajat d'un trèit de pluma nos tornant a las mei granas òras deu centralisme jacobin e a la certitud paternalista qu'un poder nacionau qui sap miélher que los territòris çò qui conveng de hèr entau lor avénguer.
Regions e Pòbles Solidaris, partit politic qui fedèra dotze organizacions politicas regionalistas / autonomistas, que demanda au Partit Socialista de s'arregahar pendent lo son Congrès e de seguir un caminament progressista tau coma s'en prevalè dinc a uèi.
.
Magali Gozzi, sòcia deu Burèu Federau de R&PS
( traduccion en occitan Fredí Varvenne)